„Um das Aktzeichnen kommt man ebenso wenig herum, wie um den Zahnwechsel“ Lovis Corinth und die Kunst der Aktmalerei

Bal keen anert Motiv ass esou zentral am Wierk vum Lovis Corinth wéi den Akt, e gouf reegelrecht zu sengem Markenzeechen. No sengem ganz traditionellen Aktstudium an der Académie Julian zu Paräis entwéckelt sech de Corinth ewech vun der akademescher, staark idealiséierter Aart a Weis ze molen. Hien orientéiert sech um wierkleche Liewen. Seng Kierpere bësti ganz aus Mass, Fleesch a Faarwen. Ëm 1900 huet de Kënschtler nei Duerstellungsméiglechkeeten entwéckelt, déi schockéiert hunn. Dobäi ass de Corinth awer net eleng: An der ‘Münchener Secession’ gett 1898 dem Max Slevogt säi Bild „Danaë“ refuséiert, an nëmmen zwee Joer duerno gëtt dem Corinth seng „Salome“ zréckgewisen. Wat genee un dene Biller esou innovativ a gläichzäiteg skandaléis war, dat gitt Dir an dëser Konferenz gewuer!